نفسي أسمع ليكي صوت

كلميني بدون ماتبكي
نفسي أسمع ليكي صوت
إغفري عنادي وغيبتي
إني مُلتزِم السكوت
أصرخي فيا إكرهيني
إنثريني ولملميني
مش هتمشي وتسيبيني
مش هيحصل لو هموت
لسه باقي مني حاجه
طالبه ف وجودك وجودي
لسه فيا كل حاجه
بتدعي تتأني وتعودي
إلحقي قلبك وقلبي
قبل ما الايام تفوت
مش هشوفك غير حبيبتي
مهما تنسي وتكرهيني
مش هلومك مهما قولتي
بس قولي وكلميني
إمسحي دموعك شويه
وإرحمي الضعف اللي فيا
بُصي بعنيكي في عنيا
حسي بيا .. اسمعيني
طب قوليلي إزاي هتمشي
وانتي روحك جوه روحي
قلبي أخر أمله إنتي
مش هيستحمل تروحي
طب قوليي ازاي هتنسي
كل ما بينك وبيني
طب قوليلي هعمل ايه
لما تمشي وتوحشيني
ورحمة القلب اللي عندك
إوعي تمشي وتسبيني